ریاض میں گیس سلینڈر دھماکا، 6 پاکستانی جاں بحق، سفارت خانہ متحرک

Riyadh Gas Incident

ریاض :(میڈیا رپورٹس ) سعودی عرب کے دارالحکومت ریاض کے علاقے منفوحہ میں گزشتہ شب گیس سلنڈر کے دھماکے کا واقعہ پیش آیا۔ جہاں ایک رہائشی عمارت میں گیس سلینڈر پھٹنے سے شدید دھماکہ ہوا، جس کے باعث عمارت کے ایک حصے کو بھی نقصان پہنچا۔

جاں بحق ہونے والے تمام 6 افراد کا تعلق خیبر پختونخوا کے ضلع مانسہرہ سے بتایا جاتا ہے۔

پاکستانی سفارت خانے کا کہنا ہے کہ جاں بحق افراد کی میتوں کی وطن واپسی اور دیگر قانونی کارروائیوں کے لیے سعودی حکام سے رابطے میں ہیں۔ متاثرہ خاندانوں کو ہر ممکن سفارتی معاونت فراہم کی جائے گی۔