مودی حکومت نے گھٹنے ٹیک دیے؛ طلبا احتجاج پر وزیر تعلیم مستعفی

Dharmendra Pardhan Minister of Education

بھارت میں لگ بھگ ڈیڑھ ماہ سے جاری طلبا احتجاج کو اہم کامیابی ملی ہے، ان کے مطالبے پر بھارتی وزیر تعلیم پردھان منتری نے بالآخر استعفیٰ دے دیا ہے۔
یہ استعفیٰ امتحانی پرچے لیک ہونے کے معاملے پر بھارت بھر اور بالخصوص نئی دہلی میں طلبا، نوجوانوں اور اپوزیشن کی جانب سے کیے جانے والے بڑے پیمانے پر احتجاج کے بعد سامنے آیا ہے۔
سی جے پی کی حمایت میں 26 روز تک بھوک ہڑتال کرنے والے سماجی کارکن سونم وانگچک نے انڈیا کے وزیرِ تعلیم کے استعفے کا خیرمقدم کرتے ہوئے اسے ’جمہوریت کی فتح‘ قرار دیا ہے۔
وانگچک نے ایکس پر جاری اپنے بیان میں سی جے پی، جنریشن زیڈ اور ملک بھر کے تمام شہریوں کو مبارکباد دیتے ہوئے کہا کہ انھوں نے ’خوف اور خوف کے احساس پر قابو پا کر ملک کے ہر کونے سے آواز بلند کی۔‘
سونم وانگچک نے جمعہ کی علی الصبح اپنی 26 روزہ بھوک ہڑتال ختم کر دی تھی۔
انھوں نے اپنی پوسٹ کے اختتام پر کہا کہ ’اب احتساب کے بعد اصلاحات کی باری ہے۔‘