امریکا: معروف ٹک ٹاکر بریانا جانسن ہلاک

Dreamdoll_Brii

پولیس کے مطابق 21 سالہ بریانا جانسن اتوار کی صبح تقریباً ساڑھے پانچ بجے سن شائن بلیوارڈ پر اپنی لائم گرین رنگ کی لگژری لیمبرگینی یورس چلا رہی تھیں۔ گاڑی میں ان کے ساتھ دو دیگر افراد بھی سوار تھے کہ نامعلوم حملہ آوروں نے ان کی گاڑی پر اندھا دھند فائرنگ کر دی،پولیس کا کہنا ہے کہ فائرنگ کے بعد گاڑی بے قابو ہو کر ایک رہائشی مکان سے جا ٹکرائی، جس کے نتیجے میں بریانا جانسن موقع پر ہی جان کی بازی ہار گئیں، جبکہ گاڑی میں موجود دونوں دیگر افراد زخمی ہو گئے۔ زخمیوں کو طبی امداد کے لیے مقامی اسپتال منتقل کر دیا گیا ،تحقیقاتی حکام نے ابتدائی شواہد کی بنیاد پر واقعے کو بظاہر ٹارگٹڈ حملہ قرار دیا ہے، جبکہ حملہ آوروں کی شناخت اور گرفتاری کے لیے تفتیش جاری ہے ،بریانا جانسن سوشل میڈیا پر لائف اسٹائل، فیشن اور روزمرہ زندگی سے متعلق مواد شیئر کرتی تھیں۔ ان کے ٹک ٹاک اور انسٹاگرام پر مجموعی طور پر تقریباً پانچ لاکھ فالوورز تھے، جن میں ٹک ٹاک پر تقریباً 3 لاکھ 88 ہزار اور انسٹاگرام پر 88 ہزار 800 سے زائد فالوورز شامل تھے ،پولیس نے واقعے سے متعلق معلومات رکھنے والے افراد سے اپیل کی ہے کہ وہ تحقیقات میں تعاون کریں تاکہ حملہ آوروں کو جلد قانون کے کٹہرے میں لایا جا سکے۔