وینزویلا میں شدید زلزلے سے کم از کم 32 افراد ہلاک اور 700 سے زائد زخمی، مزید اموات کا خدشہ

امریکی وزیرِ خارجہ مارکو روبیو کا کہنا ہے کہ امریکہ فوری طور پر تلاش و بچاؤ کے کاموں میں حصہ لینے کے لیے ٹیمیں اور، طبی اور انسانی بنیادوں پر امداد وینزویلا بھجوا رہا ہے۔

سوشل میڈیا پلیٹ فارم ایکس پر جاری ایک پوسٹ میں روبیو کا کہنا تھا کہ ’ہماری ہمدردیاں اُن تمام افراد کے ساتھ ہیں جنھوں نے (اس حادثے میں) اپنے پیارے کھوئے، جو زخمی ہوئے، اور وہ بہادر امدادی کارکن جو اس کے بعد سے مسلسل کوششوں میں لگے ہوئے ہیں۔‘

اس سے قبل اُن کے نائب کرسٹوفر لینڈاو نے کہا تھا کہ امریکہ وینزویلا کے حکام کے ساتھ رابطے میں ہے اور ’امداد کو متحرک کیا جا رہا ہے۔