لاہور : زیرِ تعمیر عمارت گرنے سے بچہ جاں بحق، 5 افراد زخمی

Lahore Incident

میڈیا رپورٹ

صوبائی دارالحکومت کے علاقے باغبانپورہ میں سکول کی چھت گرنے سے ایک بچہ جاں بحق جبکہ 5 افراد زخمی ہوگئے۔ریسکیو 1122 کے مطابق عمارت کی چھت ٹی آر گارڈر سے بنی ہوئی تھی جو اچانک بیٹھ گئی، حادثے کے بعد ملبے تلے متعدد افراد دب گئے۔ریسکیو اہلکاروں نے فوری کارروائی کرتے ہوئے ملبے سے 10 بچوں کو بحفاظت نکال لیا، بدقسمتی سے ملبے تلے دب جانے کے باعث ایک بچہ ابوبکر جاں بحق ہوگیا۔ریسکیو ٹیمیں موقع پر امدادی کارروائیوں میں مصروف ہیں جبکہ علاقے میں صورتحال کو کنٹرول کر لیا گیا ہے اور مزید افراد کی تلاش جاری ہے۔عینی شاہدین کے مطابق دومنزلہ عمارت کی دوسری منزل کا لینٹر گرا، لینٹر کچا ہونے کی وجہ سے زور دار دھماکے سے نیچے گرا، جب چھت گری اس وقت بچے پڑھ رہے تھے۔